衝上雲霄II》孫慧雪4.3吋事業線擊潰杏兒


























無綫重頭劇《衝上雲霄II》聽日首播,外間對呢套劇寄望甚大,唔少演員將重任交托俾喺Sam哥吳鎮宇同張智霖(Chilam)兩位型男身上。

最近佢哋為新劇四處宣傳,作最後衝刺,真係不容有失。今日《衝上雲霄II》眾演員喺尖沙嘴舉行記者會,吳鎮宇、胡杏兒、馬國明同吳卓羲等演員都盛裝出席,不過女主角之一嘅陳法拉,就依然缺席。

著上紫色連身皮褸,打扮密實嘅胡杏兒,就被性感上陣嘅沈卓盈、朱晨麗、胡定欣同孫慧雪等比下去。

沈卓盈著住粉紅色吊帶裙,低胸上陣成為焦點,不過講到最誇張嘅都係孫慧雪,佢著上黑色低胸裙嘅谷出4.3吋事業線,成功搶鏡。

杏兒講笑話:「我獻醜不如藏拙喇!我今日係sell型而唔係性感。」

聽日杏兒就會返內地拍劇,至年尾先返無綫拍劇。問佢會唔會喺內地置業,佢話:「唔會喇,內地買樓要搵人打理,感覺好似好遙遠,所以暫時會喺香港買。」 

arrow
arrow
    全站熱搜

    228dvd 米米影視 發表在 痞客邦 留言(0) 人氣()